MANILA, Philippines — Nangako si re-elected Leyte Rep. Martin Romualdez na susuportahan ang mga hakbang sa Kongreso para matiyak ang pagpopondo para sa kamakailang inilunsad na eGovPH Super App at eGovPH Serbisyo Hub.
Ginawa ni Romualdez ang pahayag na ito noong Biyernes habang ipinahayag niya ang kanyang suporta sa eGovPH Serbisyo Hub, na inilunsad noong araw ding iyon sa Makabagong San Juan National Government Center sa San Juan City.
Ang hub ay ang pisikal na extension ng eGovPH ecosystem, na idinisenyo upang tulungan ang mga Filipino na mas gusto ang mga transaksyon nang harapan, habang nakikinabang pa rin sa streamlined at tech-enabled na proseso.
“This is how we bring our government closer to the people—not with long lines, hours of waiting, and red tape, but with real solutions that they see, feel, and benefit from,” saad ni Romualdez.
Inilarawan din ni Romualdez ang inisyatiba bilang isang “one-stop shop” para sa mga ahensya ng gobyerno na nagbibigay ng tulong medikal at pinansyal, libreng legal na konsultasyon, mga oportunidad sa trabaho, at mga aplikasyon para sa mga clearance, permit, at legal na mga rekord.
“The Bagong Pilipinas eGovPH Serbisyo Hub is a major breakthrough in delivering fast, dignified, and accessible government services to millions of Filipinos. As legislators, it is our duty to see to it that such innovations are adequately funded so that these are capable of providing reliable, consistent service,” aniya.
Sa paglulunsad ng service hub, nangako si Pangulong Marcos na magkakaroon ng “walang corruption, no fixers, no long lines” sa inagurasyon ng eGovPH application at ang one-stop shop. RNT/MND
