MANILA – Hinimok ni Leyte 1st District Rep. Ferdinand Martin Romualdez nitong Miyerkules, Hulyo 23 ang agarang aksyon para palakasin ang Free Higher Education Law sa gitna ng tumataas na dropout rate sa mga state colleges and universities (SUCs).
Ginawa ni Romualdez ang panawagan matapos lumabas sa datos ng Second Congressional Commission on Education (EDCOM 2) na umabot sa 39 percent ang national dropout rate sa school year 2023 hanggang 2024.
Ayon sa datos ng EDCOM 2, ang dropout rate sa Bangsamoro Autonomous Region in Muslim Mindanao (BARMM) ay kasing taas ng 93.4 percent; Ang Central Visayas ay nag-ulat ng 60.7 porsyento; Zamboanga Peninsula – 59.5 percent; Cordillera – 54.9 porsyento; Metro Manila – 52.4 porsyento; Soccsksargen – 51.2 porsyento; at Kanlurang Visayas – 50.2 porsyento.
“These are not just statistics. They are shattered dreams and interrupted futures, often because students cannot afford transportation, food, rent, books or internet,” saad ni Romualdez.
“Free tuition was a landmark achievement, but the work is far from over. We need to protect and build on the gains of the Free Higher Education Law by ensuring students have the means to actually finish school.”
Nagpahayag si Romualdez ng malakas na suporta para sa House Resolution (HR) No. 61 na inihain ni Bicol Saro Party-list Rep. Terry Ridon, na naghahangad ng buong pagsusuri sa pagpapatupad at pangmatagalang sustainability ng Republic Act (RA) 10931, o ang Universal Access to Quality Tertiary Education Act.
Sinabi niya na ang pagsusuri ay dapat tumuon sa pagtukoy ng mga mekanismo ng suporta na lampas sa saklaw ng tuition upang matulungan ang mga mag-aaral na makumpleto ang kanilang mga degree.
Hinimok niya ang gobyerno na isaalang-alang ang mga strategic intervention tulad ng buwanang stipend, subsidyo sa transportasyon, allowance sa pagkain, at mga digital access program.
“This is a gap we must urgently fill. If we truly want free higher education to be a ladder out of poverty, we need to make sure our students can actually stay in school and graduate,” ayon kay Romualdez.
Sa survey ng Pulse Asia na isinagawa noong Enero 2024 at kinomisyon ni Senator Sherwin Gatchalian, ipinakita na 98 porsiyento ng mga Pilipino ang sumusuporta sa libreng matrikula sa mga pampublikong kolehiyo.
“The Free Higher Education Law has changed millions of lives. But transformation is not complete when so many students are forced to drop out. Our mission is not just to provide access, but to ensure completion,” sabi ni Romualdez.
“We owe it to our students to fund this law properly. We owe it to every Filipino family to give their children a real chance at a better future. And we owe it to the nation to make education a powerful equalizer, not an unfinished promise.” RNT/MND
