MANILA, Philippines – Muling naghalal ang Malaking Kapulungan ng Kongreso ng mga kongresista na uupo at mangunguna sa mga importanteng komite.
Hinirang ang Harvard-educated Nueva Ecija 1st District Rep. na si Mikaela Angela “Mika” Suansing bilang chairperson ng makaopangyarihang Committee on Appropriations at si Bataan 2nd District Rep. Albert Garcia bilang senior vice chair ng naturang komite.
Mahalaga ang papel na gagampanan ng komite na ito sa paghimay sa 2026 national budget kapag naisumite na ng Malakanyang ang National Expenditure Program o NEP.
Sa pagbuhay sa Quad Comm Committee ay inihalal naman sina:
l Bukidnon 2nd District Rep. Jonathan Keith Flores – chairperson ng Committee on Dangerous Drugs
l Manila 2nd District Rep. Rolando Valeriano bilang chairperson naman ng Committee on Public Order and Safety.
l Manila 6th District Rep. Bienvenido “Benny” Abante Jr. bilang chair ng Committee on Human Rights na dati na nitong hinawakan.
l Davao de Oro 1st District Rep. Maria Carmen Zamora bilang chair of the Committee on Accounts.
l Marikina 2nd District Rep. Miro Quimbo as chair of the Committee on Ways and Means, at si Manila 1st District Rep. Ernesto “Ernix” Dionisio Jr. bilang senior vice chair.
l Manila 3rd District Rep. Joel Chua nanatiling chairman ng Committee on Good Government and Public Accountability
l Cagayan de Oro 1st District Rep. Lordan Suan ang mamumuno naman sa Committee on Public Information.
Upang suportahan si House Majority Leader at Rules Committee chair Ilocos Norte 1st District Rep. Ferdinand Alexander “Sandro” Marcos ay inihalal si Iloilo 3rd District Rep. Lorenz Defensor bilang senior deputy majority leader.
Nauna ng pinangunahan ni House Speaker Martin Romualdez ang panunumpa ng mga bagong deputy speakers na sina Reps. Janette Garin (Iloilo, 1st District), Yasser Alonto Balindong (Lanao del Sur, 2nd District), Francisco Paolo Ortega V (La Union, 1st District), Jefferson Khonghun (Zambales, 1st District), Kristine Singson-Meehan (Ilocos Sur, 2nd District), Ronaldo Puno (Antipolo City, 1st District), Faustino Dy III (Isabela, 6th District), Ferjenel Biron (Iloilo, 4th District) at Raymond Democrito Mendoza (TUCP Party-list).
Si Romualdez din ang nagpasumpa kina Secretary General Reginald Velasco at Sergeant-at-Arms retired Police Maj. Gen. Napoleon Taas. (Meliza Maluntag)
