PBBM byaheng India sa susunod na linggo

MANILA, Philippines – Byaheng India si Pangulong Ferdinand Marcos Jr., para sa kanyang five-day State Visit doon.

Ang state visit ng Pangulo ay magsisimula ng Agosto 4 hanggang 8, bilang tugon na rin sa imbitasyon ni Prime Minister Narendra Modi.

Matapos ang opisyal na mga pagpupulong at events sa New Delhi, ang Pangulo at ang kanyang delegasyon ay ba-byahe naman patungong Bangalore. Makakapulong niya ang business sectors sa dalawang lungsod.

Inaasahan din na magkakaroon ng ‘meet and greet’ ang Pangulo sa Filipino Community sa New Delhi.

Sa kabilang dako, ang huling State Visit sa India ng Philippine President ay nangyari sa panahon ni dating Pangulong Gloria Macapagal-Arroyo noong October 2007.

Samantala, nagsagawa naman ng kanyang state visit sa Pilipinas si dating Indian President Ram Nath Kovind noong October 2019.

Kapwa naman ipinagdiriwang ng Pilipinas at India ang kanilng 75th anniversary ng pagkakatatag ng diplomatic relations noong 2025. /Kris Jose