MANILA, Philippines – Looking forward ang Pilipinas na palawigin ang maritime cooperation kasama ang India.
Ito ang sinabi ni Assistant Secretary Evangeline Ong Jimenez-Ducrocq ng Office of Asian and Pacific Affairs (DFA-ASPAC) sa pre-departure briefing para sa state visit ni Pangulong Ferdinand Marcos Jr. sa India sa susunod na linggo.
”Part of our ongoing relationship with India is in maritime cooperation activities. So we look forward to expanding these,” ayon kay Jimenez-Ducrocq.
Ang pagbisita ng Pangulo sa nasabing bansa ay nakatakda mula August 4 hanggang 8, sa imbitasyon na rin ni Prime Minister Narendra Modi.
Sa kabilang dako, ang first stop ng Pangulo ay sa New Delhi, at pagkatapos ay tutuloy sa Bangalore para sa mga opisyal na pagpupulong at events. Makakapulong din ng Pangulo ang business sector sa dalawang lungsod. /Kris Jose
