MANILA, Philippines – Naghain si Senate Minority Leader Vicente “Tito” Sotto III ng panukalang nagmumungkahi ng pagbuo ng Presidential Drug Enforcement Authority upang palakasin ang pagtugon ng pamahalaan laban sa iligal na narcotics at pag-abuso sa droga.
Ang panukalang Presidential Drug Enforcement Authority Act, ay naglalayong amyendahan ang Republic Act (RA) 9165 o ang Comprehensive Dangerous Drugs Act of 2002.
“The law, as presently formulated, needs retrofitting, so to speak, like any structure or machine in constant use for 23 years now,” saad ni Sotto.
“Supervision of enforcement activities is desirable to map out policies for more effective anti-illegal drugs campaigns,” dagdag niya.
Layunin ng panukalang batas na buwagin ang Philippine Drug Enforcement Agency (PDEA) at ang Dangerous Drugs Board (DDB).
Sa ilalim ng Presidential Drug Enforcement Authority, limang kawanihan ang bubuuin:
Nakasaad sa panukalang batas na ang umiiral na kapangyarihan ng PDEA sa pagpapatupad ng anti-drug ay ipapatupad ng Philippine National Police Anti-Illegal Drugs Special Operation Task Force, ng National Bureau of Investigation Anti-Illegal Drugs Task Force, ng Bureau of Customs Task Group/Force in Dangerous Drugs and Controlled Chemicals, at ng Narcotics Units of the Philippines Armed Forces, at ng kanilang mga katulad na yunit ng Armed Forces ng Pilipinas.
Ang panukalang Presidential Drug Enforcement Authority ay nasa ilalim ng Office of the President.
Ang kalihim nito ay itatalaga ng Pangulo at magiging responsable para sa pangkalahatang pangangasiwa at pamamahala ng ahensya.
Nakasaad din sa panukalang batas na ang pondo para sa pagpapatupad ng Presidential Drug Enforcement Authority ay kukunin badyet ng PDEA at DDB sa kasalukuyang fiscal year, at sa General Appropriations Act pagkatapos nito. RNT/MND
