MANILA, Philippines – Nasa 300,000 karagdagang regular beep cards ang magiging available na simula sa susunod na linggo para matugunan ang shortage nito na nakaapekto sa mga commuter ng tren sa Metro Manila, inanunsyo ng Department of Transportation (DOTr) nitong Miyerkules, Agosto 13.
Sinabi ni Transportation Secretary Vince Dizon na ang mga card na ito ay ipamamahagi sa Metro Rail Transit (MRT) Line 3, at Light Rail Transit (LRT) Lines 1 at 2, batay sa direktiba ni Pangulong Ferdinand Marcos Jr. na resolbahin ang kakulangan sa mga beep card dahilan para sa mahabang pila ng mga pasahero.
“By next week, wala na tayong shortage ng beep cards. Beep Card will be completing a delivery of 300,000 additional cards across MRT-3, LRT-1 at LRT-2. ‘Yun ang na-compute nating shortage,” ani Dizon. RNT/JGC
