ALBAY, Philippines – Madadaanan na ang mga kalsadang naapektuhan ng lahar flow bunsod ng malakas na pag-ulan sa Guinobatan, Albay kasunod ng clearing operations nitong Miyerkules.
Ang Department of Public Works and Highways ay nagsagawa ng agarang clearing operations matapos ang flash flood at debris flow sa Barangay Masarawag malapit sa paanan ng Mayon Volcano.
“We will continue to remain vigilant, as there have been zero reported casualties so far,” saad ni Albay 3rd District Rep. Adrian Salceda.
Idinagdag niya na ang mga kalsada ay madaanan na, at ang mga suplay ng pagkain ay ipinamigay sa mga apektadong residente.
Sinabi ni Cedric Daep, ang dating hepe ng Albay Public Safety Emergency Management Office at chief of staff ni Salceda, na patuloy ang pamamahagi ng family food packs habang patuloy ang kanilang monitoring sa mga lugar.
“Immediately after the lahar, we conducted a clearing operation and ensured the safety of the responders to maintain zero casualties. According to reports, 11 barangays are being monitored, and we are focusing on providing support,” aniya.
Ipinahiwatig din ni Daep na nakahanda silang magbigay ng technical assistance sa lahat ng barangay at munisipyo hinggil sa disaster response.
“I have developed training modules tailored to each town, considering their different physical characteristics in terms of disaster response. For the legislative aspect, we will review potential legislative support for the affected areas in the 3rd district, focusing on defined interventions and ecological projects,” dagdag niya.
Sinabi ni Daep na sa panahon ng thunderstorm advisory, ang mga apektadong lugar ay dapat magpatupad ng mga pagsasara ng kalsada upang mabawasan ang exposure ng publiko sa lahar.
Iniulat ni Guinobatan Mayor Gemma Ongoco na 1,300 pamilya ang naapektuhan sa nasabing lahat flow. RNT/MND
