MANILA, Philippines – Matagumpay na naisilbi ang warrant of arrest sa isang akusadong nagtatago sa batas dakong 2:40 ng hapon noong August 16, 2025 ng Makati City Police Station operatives sa ilalim ng supervision ni PCOL Reycon L. Garduque, Officer-in-Charge.
Kinilala ang akusado na si alias “Clinton,” na nadakip sa San Luis St., Brgy. Landayan, San Pedro, Laguna ng Intelligence Section sa pangunguna ni PCPT Jover B. Borja.
Ang akusado ay wanted sa attempted murder sa bisa ng warrant na ipinalabas ng Regional Trial Court, Branch 144, Makati City, sa ilalim ng Criminal Case No. R-MKT-25-01370-CR, na may petsang August 14, 2025, na may recommended bail na ₱120,000.00.
Si alias Clinton ay pansamantalang ikinulong sa Makati City Police Station para sa maayos na documentation at disposition, habang ang warrant of arrest ay ibabalik sa court of origin.
“This successful operation shows the consistency of our efforts to track down and arrest wanted persons. The Southern Police District will continue to intensify its anti-criminality drive to ensure the safety and security of our communities,” sabi ni Police Brigadier General Randy Y. Arceo, Acting District Director ng SPD. (Dave Baluyot)
