MANILA, Philippines – Kasalukuyang nasa bisinidad ng Maddela, Quirino ang Tropical Depression Isang, ayon sa Philippine Atmospheric, Geophysical and Astronomical Services Administration (Pagasa) nitong Biyernes ng hapon, Agosto 22.
Batay sa 2 p.m. bulletin, sinabi ng PAGASA na napanatili ng Tropical Depression Isang ang lakas nito na may taglay ng hangin na aabot sa 55 kilometro kada oras at pagbugso na hanggang 90 kilometro kada oras.
Kasalukuyan itong kumikilos sa direksyong west-northwestward sa bilis na 20 kilometro kada oras.
Itinaas ang Signal No. 1 sa 16 lugar sa Luzon. Ito ay ang mga sumusunod:
Cagayan
Isabela
Quirino
Nueva Vizcaya
Apayao
Kalinga
Abra
Mountain Province
Ifugao
Benguet
Ilocos Norte
Ilocos Sur
La Union
Pangasinan
Aurora
Northern portion ng Nueva Ecija (Lupao, Carranglan, Pantabangan, San Jose City)
Pinapalakas naman ng bagyong Isang ang southwest monsoon o Habagat.
Inaasahang tatawirin nito ang Hilagang Luzon sa susunod na 12 oras at lalabas sa West Philippine Sea.
Lalabas naman ng Philippine Area of Responsibility ang bagyo pagsapit ng Sabado ng umaga o hapon. RNT/JGC
