NAKAPAGTALA ang Home Mutual Development Fund o mas higit na kilala bilang Pag-IBIG Fund ng Php 4.27 bilyon na kita mula sa pamumuhunan sa unang anim na buwan ng 2025, katumbas ng 51.79 porsyentong pagtaas kumpara noong parehong panahon ng 2024. Dahil dito, umabot sa Php 28.04 bilyon ang kabuuang netong kita ng ahensya, na tumaas ng 15.25 porsyento taon-taon.
“It is our responsibility to manage and grow the Filipino workers’ fund with prudence and integrity, so we can continue delivering affordable home financing and provide our members with competitive returns on their savings,” ayon kay Pag-IBIG Fund Chief Executive Officer Marilene C. Acosta.
Nitong June 30, 2025, naitala ang kabuuang assets ng Pag-IBIG Fund sa Php 1.14 trilyon. Karamihan dito ay binubuo ng Php 869.50 billion sa mga housing-related assets, Php 82.70 billion sa short-term loans, at Php 168.44 billion sa mga income-generating investments. Ang nalalabing Php 21.16 billion ay mula sa iba pang assets katulad ng mga ari-arian, cash, at intangible holdings.
Umabot naman sa Php 168.47 billion ang gross investment portfolio ng ahensya, mas mataas ng Php 33.13 bilyon o 24.48 porsyento kumpara sa pagtatapos ng 2024.
Ipinapakita nito ang maingat na pamamahala ng pondo ng mga miyembro habang patuloy na sinusuportahan ang mga programa sa pabahay at short-term financing.
“All investment decisions are carried out with integrity, under a thorough and transparent process designed to protect and grow the hard-earned savings of Filipino workers,” paliwanag ni Acosta. “All our investments are lawful, prudent, and fully compliant with internal protocols and the authority granted to Management by our Board since 2016. We submit monthly reports to the Board to ensure transparency and accountability in how we grow the hard-earned savings of Filipino workers. Our members can be assured that every peso is managed with the highest regard for safety, sustainability, and their best interest,” dagdag pa ni Acosta.
Alinsunod sa charter ng Pag-IBIG Fund, hindi bababa sa 70 porsyento ng netong kita nito ay ibinabalik sa mga miyembro bilang dibidendo.
Noong 2024, nagdeklara ang ahensya ng dividend rates na 6.60 porsyento para sa Pag-IBIG Regular Savings at 7.10 porsyento para sa Modified Pag-IBIG 2 Savings, ang pinakamataas mula nang magsimula ang COVID-19 pandemic.
