MANILA, Philippines – Inihayag ng Department of Health (DOH) nitong Linggo na magsasagawa ang departamento ng libreng Special Nursing Review Program (SNRP) para sa mga underboard nursing graduates.
“While you are preparing to become a licensed nurse, you can now become a clinical care associate (CCA) in DOH hospitals,” ayon sa DOH.
Maaaring pumunta sa pinakamalapit na ospital ng DOH at makipag-ugnayan sa chief nurse, o sa Center for Health Development at makipag-ugnayan sa mga espesyalista sa pagsasanay ang mga interesadong underboard nurse na nais mag apply para sa SNRP.
Maaaring isumite ang mga aplikasyon sa https://drive.google.com/drive/folders/16Q9hpTVsnjcQujv5FmCiVMXal7yq7qtx hanggang Setyembre 5, 2025. Para naman sa iba pang katanungan, maaaring mag-email sa [email protected].
Nauna nang sinabi ni Pangulong Ferdinand Marcos Jr. na ang joint initiative ng DOH at CHEd “helps address the lack of health care workers in the country and give opportunity to underboard nursing graduates to attend tutorials or review classes so that they have a better chance of passing the board exam.”
Kamakailan ay umapela si Marcos sa mga doktor at nars na manatili at maglingkod sa bansa bilang bahagi ng layunin ng kanyang administrasyon na palakasin ang healthcare system nito. RNT/MND
