MANILA, Philippines – Labintatlong massage therapist ang ninakawan at dalawa ang ginahasa sa isang holdapan sa Pasay City nitong madaling-araw ng Biyernes, ayon sa pulisya.
Nangyari ang insidente bandang 12:55 a.m. nang pasukin ng dalawang armadong suspek na sakay ng motorsiklo ang naturang establisyemento at magdeklara ng hold-up.
Nakuha nila ang mga gamit ng mga biktima at hinalay ang dalawa sa kanila.
Kinilala ng mga biktima sa police e-rogue ang isa sa mga suspek na si “Ashley,” 23, residente ng Pasay.
Patuloy ang pagsusuri sa CCTV at ikinasa na ang hot pursuit operations para sa kanilang pagkakaaresto. RNT
