Akagmegane Kitchen Project inilunsad sa Tanza Elementary

MANLA, Philippines – Nakipagkasundo ang Pamahalaang Lungsod ng Navotas sa A Child’s Trust Is Ours to Nurture (ACTION), Inc. para sa pagtatayo ng community-based kitchen sa Tanza Elementary School sa ilalim ng Akamegane Kitchen Project.

Nilagdaan nina Mayor John Rey Tiangco at ACTION President Hajime Yokota ang kasunduan upang makapagbigay ng masustansyang pagkain araw-araw sa 100 mag-aaral. “Proper nutrition plays a vital role in learning, and through this project, we hope to give our children a better chance to achieve their full potential,” ani Tiangco.

Sasagutin ng ACTION ang gastusin sa pagtatayo at pagpapatakbo ng kusina, pagmamanman ng kalusugan ng mga bata, at regular na ulat sa mga donor na kinabibilangan nina Japanese TV host Ryota Yamasato, InfiniVan Inc., at Junnoke Kobayashi.

Magbibigay naman ang pamahalaang lungsod ng pasilidad, utilities, at teknikal na suporta. Sinimulan noong Agosto 28, tatakbo ang proyekto hanggang 2028 na may taunang pagsusuri. Dagdag ni Tiangco, “This is more than just about providing meals—it is about giving our children the nourishment they need to grow healthy and learn effectively.” Jojo Rabulan