MANILA, Philippines – Inanunsyo ng Metropolitan Manila Development Authority (MMDA) na hindi sakop ng number coding scheme ang mga kukuha ng Bar exam sa Setyembre 10 upang matiyak na makararating sila sa testing centers nang walang aberya.
“In line with the upcoming Philippine Bar Examinations on September 10, 2025, and to ensure that examinees are able to arrive at their respective testing venues without undue delay, the Metropolitan Manila Development Authority (MMDA) informs the public that all Bar Examinees are exempted from the Expanded Unified Vehicular Volume Reduction Program (UVVRP) or number coding scheme,” saad ng MMDA sa isang social media post.
Dapat ilagay ng examinees ang exemption notice sa likod ng kanilang sasakyan para sa tamang pagkakakilanlan habang bumibiyahe patungo sa mga venues sa Manila, Taguig, Quezon City, Muntinlupa, Makati, at Pasay.
Isasagawa ang Bar exams sa Setyembre 7, 10, at 14 sa iba’t ibang unibersidad. Nagpaalala rin ang Korte Suprema sa road closures at nanawagan ng kooperasyon, habang nagpatupad ang Manila LGU ng liquor ban malapit sa San Beda University at UST. RNT
