MANILA, Philippines – Kinumpirma ni Col. Rainerio de Chavez nitong Huwebes, Setyembre 4 na siya ay inalis bilang director ng Negros Occidental Police Provincial Office (NOCPPO) at ililipat sa Criminal Investigation and Detection Group (CIDG) headquarters sa Metro Manila.
“It’s a command decision that we cannot refuse, and it is also for advancement,” aniya.
Bagamat hindi tinukoy ang bagong posisyon sa CIDG, inilarawan niya ito bilang isang “sensitive position” at sinabing susuportahan niya ang headquarters sa kanyang bagong tungkulin.
Ani De Chavez, hindi niya pa tukoy kung sino ang papalit sa kanya bilang NOCPPO director at planong pag-usapan ito kasama si Gov. Eugenio Jose Lacson.
Itinalaga si De Chavez sa NOCPPO noong Pebrero 2024. Bago ito ay nagsilbi rin siyang pinuno ng Batangas at Rizal provincial police offices.
Si De Chavez ay graduate ng Philippine National Police Academy Class of 2000. RNT/JGC
