MANILA, Philippines – Muling humiling si Department of Public Works and Highways (DPWH) Secretary Vince Dizon sa Department of Justice na maglabas ng Immigration Lookout Bulletin Order (ILBO).
Sa ngayon, laban naman ito kina dating DPWH chief Manuel Bonoan, Candaba Mayor Rene Maglangue, at ilang opisyal ng MBB Global Properties Corp.
Kaugnay ito ng imbestigasyon sa umano’y ghost projects at substandard flood control projects.
Ayon kay Dizon, mahalaga ang ILBO para masiguro ang pananagutan at maiwasang makalabas ng bansa ang mga sangkot habang nagpapatuloy ang imbestigasyon.
“The timely issuance of an ILBO is of utmost necessity to enable the current investigations to proceed without delay and to hold those liable accountable to the Filipino people,” giit ni Dizon.
Nilinaw na ang ILBO ay hindi nagbabawal ng biyahe ngunit nagsisilbing babala sa mga awtoridad upang bantayan ang mga nasa listahan. RNT
