MANILA, Philippines – Patuloy na nagiging biktima ang mga Pilipino ng mga scam hub sa buong Southeast Asia kahit na ang Department of Migrant Workers (DMW) ay nagpipilit sa paggamit ng “non-punishment principles”.
Sa pagdinig ng badyet ng House Committee on Appropriations noong Biyernes, Setyembre 12, iniulat ng DMW na hindi bababa sa 1,434 na Pilipino ang na-recruit para magtrabaho bilang mga scammer sa tatlong bansa sa Southeast Asia.
Sinabi ng DMW na nailigtas at naibalik na nito ang 332 Filpino mula sa Cambodia, 387 mula sa Laos, at 715 mula sa Myanmar.
Naitala ng Myanmar ang pinakamataas na bilang ng mga Pilipinong iligal na na-recruit. Nangyari ito sa kabila ng pagpataw ng Pilipinas ng Alert Level 4, na nagbabawal sa deployment ng mga manggagawang Pilipino doon.
Sinabi ni Olalia na gumagamit ang mga Pilipino ng tatlong paraan upang makalusot sa mga scam hub-countries sa gitna ng pagsisikap ng gobyerno na pigilan sila sa paggawa nito.
Ito ay sa pamamagitan ng recruitment ng mga lisensyadong ahensya para magtrabaho kuno bilang customer service representative (CSC); isang masalimuot na “backdoor” na ruta patungong Cambodia na dumadaan sa Palawan, Tawi-tawi, at pagkatapos ay Sabah sa Malaysia; at panghuli, sa pamamagitan ng direktang pangangalap ng mga tao sa nasbaing mga bansang.
Sinabi ni DMW Secretary Hans Leo Cacdac na ipinasara na ng ahensya ang mga recruitment company na nag-deploy ng mga manggagawa sa mga bansang ito. Nakikipag-ugnayan na ito ngayon sa Department of Justice (DOJ) para tugunan ang mga indibidwal na nagre-recruit ng mga manggagawa online.
Sinabi ni Cacdac sa appropriations panel na ang ahensya ay nag-subscribe sa “non-punishment principle”. Ito, gaya ng sinabi ni Ismula na ang mga biktima ng human trafficking ay pinarusahan sa ilalim ng mga batas na may kinalaman sa imigrasyon at smuggling. Jocelyn Tabangcura-Domenden
