MANILA, Philippines – Simula Setyembre 17, inatasan ni Department of Transportation (DOTr) Acting Secretary Giovanni Lopez ang mga opisyal sa road at rail sector na gumamit ng pampublikong transportasyon kahit isang beses kada linggo upang mas maunawaan ang sitwasyon ng mga commuter.
Sakop ng utos ang mga opisyal kabilang ang:
-Undersecretary and Assistant Secretary for Road Transport and Non-Infrastructure
-Undersecretary and Director for Road Transport and Infrastructure;
-Undersecretary and Assistant Secretary for Railways;
-Assistant Secretary, Executive Director, Regional Directors and -Assistant Regional Directors of Land Transportation Office (LTO)
-Chairman, Executive Director, Regional Directors, and Assistant -Regional Directors of Land Transportation Franchising and Regulatory Board (LTFRB)
-The Administrator of Light Rail Transit Authority (LRTA)
-The General Manager of Philippine National Railways (PNR)
-The General Manager of DOTr-MRT3
Kailangan nilang bumiyahe mula sa kanilang tahanan patungo sa opisina at magsumite ng lingguhang ulat na naglalaman ng obserbasyon, rekomendasyon, at ebidensiya ng pagsunod. Kokolektahin ito ng mga undersecretary at tatalakayin sa DOTr Executive Committee.
“Itong mga opisyal natin sa Road at Rail sector, sila talaga ‘yung mga dapat lumalabas lagi kasi karamihan ng ating mga proyekto ay nasa mga sektor na ito,” pahayag ni Lopez .
“‘Yung mga ibang opisyal naman sa ibang sectors, hinihikayat din nating mag-commute dahil ito lang talaga yung paraan para makita at madama first hand kung ano ba ang hirap na nararanasan ng mga commuters,” dagdag pa niya. Santi Celario
