MANILA, Philippines – Umaasa si Pangulong Ferdinand R. Marcos Jr. na mananatiling tapat ang military sa Saligang Batas ng Pilipinas at sa mga mamamayang Filipino.
“Huwag kalilimutan, ang panunumpa ninyo ngayon ay sa Republika at sa bawat Pilipinong nagtitiwala at dahil sa inyo, sila ay mabubuhay nang ligtas at may dangal,” ani Pangulong Marcos matapos pangunahan ang swearing-in ceremony para sa mga newly promoted high-ranking officials ng Armed Forces of the Philippines (AFP).
“Today is not only a milestone but a renewed pledge that your loyalty remains with the Constitution and the Filipino people,” dagdag pa ng Pangulo.
Umaasa rin siya na ang mga bagong promoted military top brass ay palaging kikilos nang may integridad, maninindigan sa rule of law, at ipagtatanggol ang demokrasya.
Bilang mga bagong AFP officials na nanumpa sa kanilang tungkulin, pinaalalahanan sila ng Pangulo na magpakita ng magandang ehemplo sa mga kabataang kalalakihan at kababaihan sa uniformed services “who will look to you for your leadership.”
“These new stars you’ll carry will demand your utmost discipline, honor, and service,” ayon sa Pangulo.
Kinilala rin niya na ang kanilang promosyon ay “well-deserved,” at tinanggap at pinuri ang iba’t ibang achievements ng AFP ngayong taon.
“These accomplishments underscore the professionalism, the dedication, and the readiness of the Armed Forces,” aniya pa.
“They also strengthen the confidence of our people in your ability to protect our sovereignty and to uphold the values that we hold as a nation,” dagdag niya.
“The military has also continued to sustain readiness through training, simulations, and command exercises,” sabi pa ng Pangulo.
Ang inisyatibang ito ay nagpahusay sa tactical responsiveness ng AFP, tinitiyak na mananatili itong handa upang idepensa ang bansa.
