MANILA, Philippines – Hinarap ni Senador Jinggoy Estrada ang dating inhinyero ng DPWH na si Brice Hernandez dahil sa sinabi nitong si “Beng Ramos” ay miyembro ng staff ng senador.
Sinabi ni Hernandez na tumanggap si Ramos ng kickbacks mula sa WJ Construction, na binigyan ng proyekto ng noon ay Bulacan 1st District Engineer na si Henry Alcantara.
Nilinaw ng kalihim ng Senado kanina na si “Beng Ramos” (Divina Gracia V. Ramos) ay empleyado sa ilalim ng tanggapan ng kalihim, partikular sa Blue Ribbon Oversight Office Management.
Hindi inimbitahan si Ramos sa pagdinig dahil sumasailalim siya sa chemotherapy para sa kanser na nasa stage 4. CESAR MORALES
