MANILA, Philippines – Hindi na matutuloy ang kauna-unahang Bangsamoro Parliamentary Elections sa Oktubre 13 matapos ideklarang unconstitutional o labag sa Konstitusyon ng Korte Suprema ang Bangsamoro Autonomous Act 77 (BAA 77).
Ang BAA 77 ay ang batas na naglilipat ng pitong district seats sa parlamento na orihinal na nakalaan para sa Sulu.
Labag din sa Konstitusyon ang Bangsamoro Autonomous Act 58 na pinaghandaan ng Commission on Elections (Comelec).
Dahil dito, sinabi ni Supreme Court spokesperson Atty. Camille Sue Mae Ting na hindi na matutuloy ang BARMM Parliamentary Elections. (Jocelyn Tabangcura-Domenden)
