MANILA, Philippines – Handang humarap sa Independent Commission for Infrastructure (ICI) si dating House Speaker at Leyte Rep. Martin Romualdez matapos matanggap ang imbitasyon ng komisyon.
Ayon sa tugon ni Romualdez, handa siyang makipagtulungan sa ICI matapos nitong kumpirmahin na natanggap na ng kaniyang opisina ang imbitasyon upang maipakita aniya ang suporta sa mandato ng komisyon upang maisagawa at maipatupad ang “transparency, accountability, and good governance.”
“In this regard, Rep. Romualdez is prepared to appear before the Commission. The Office of Rep. Ferdinand Martin G. Romualdez confirms receipt today (Wednesday) of the invitation from the Independent Commission for Infrastructure (ICI),” ayon sa tugon ng kampo ni Romualdez.
Binigyang diin pa ng kampo ni Romualdez na naging speaker noong 19th at 20th Congress na bukas ito sa oportunidad upang makapagpaliwanag at at handang makipagtulungan sa ICI.
“Rep. Romualdez welcomes the opportunity to cooperate with the Commission and fully supports its objective of promoting transparency, accountability, and good governance.”
Naunang kinumpirma ng tanggapan ni Romualdez ang pagdating ng imbitasyon ng ICI na agad naman nitong tinugon ng kahandaan na makipagtulungan at dumalo sa imbestigasyon ng komisyon. Meliza Maluntag
