Durugista timbog sa P601K ‘tsongki’ sa Bulacan

Bulacan — Arestado ang 29-anyos na tulak matapos mahulihan ng ₱601,000 halaga ng iligal na droga sa buy-bust operation ng pulisya sa bayan ng Guiguinto.

Sa report ni PLTCOL Leonard Lim, hepe ng Guiguinto Police Station, kinilala ang suspek na si alyas “Botong,” residente ng Brgy. Malis.

Ayon sa report, ikinasa ang operasyon ng mga operatiba bandang 1:15 ng madaling-araw nitong Oktubre 10 sa nasabing lugar.

Nabatid na nasamsam sa operasyon ang tinatayang 6,020 gramo ng pinatuyong dahon ng marijuana na may halagang nasa ₱601,000.

Nahaharap ang suspek sa kaukulang kaso habang nasa kustodiya ng nasabing istasyon. — (Dick Mirasol III)