Bulacan – Arestado ng mga awtoridad ang tatlong drug suspects nang mahulihan ng P102,000.00 halaga ng iligal na droga sa binuwag na drug den sa lungsod San Jose Del Monte (SJDM) nitong gabi ng Oktubre 18.
Sa report, kinilala ang tatlong suspek na si alyas Jomar, 42, alyas Pano at alyas Lady, 37.
Ayon sa report, nasamsaman ng anim na sachets na naglalaman ng 15 gramo ng shabu, mga paraphernalia, android phone at marked money.
Sinasabing pinangunahan ng Philippine Drug Enforcement Agency PDEA Bulacan Provincial Office katuwang ang PNP Provincial Intelligence Team Bulacan East Regional Intelligence Unit 3.
Nahaharap sa kaukulang kaso ang tatlong suspek habang nasa pansamantalang kostudiya ng regional jail facility. Dick Mirasol III
