MANILA, Philippines – Personal na dumalo si Vice President Sara Duterte sa isang Filipino community event sa Singapore para maglaan ng oras kasama ang overseas Filipino workers (OFWs) doon.
Nakita si VP Sara sa mga video ng Duterte supporters na naka-post sa isang Facebook.
Ayon sa isang post, sinamahan si VP Sara nina Senator Robin Padilla, Atty. Vic Rodriguez, Atty. Jimmy Bondoc, Atty. Jayvee Hinlo, at Dr. Richard Mata—ang lahat ng mga ito ay tumakbo sa pagka-senador sa ilalim ng Partido ng Demokratiko Pilipino Lakas ng Bayan (PDP-Laban) party ni Pangulong Rodrigo Duterte noong 2025 midterm polls.
Ang event ay idinaos ng SingPhil Events and Services LLP para sa kanilang 10th anniversary celebration, araw ng Sabado, Oct. 25.
BIlang bahagi ng pagdiriwang, kumanta at nagbigay ng kanyang sariling rendisyon si VP Sara ng “Bed of Roses” ni Bon Jovi, nagresulta ng palakpakan at hiyawan ng mga manonood.
Araw naman ng Biyernes, Oct. 24, nakiisa si VP Sara sa isang film forum sa NDM Expo sa Singapore.
Samantala, sinabi ng Office of the Vice-President (OVP) na “all the travel overseas of the Vice President is covered by a travel authority and did not use any public funds.” (KRIS JOSE)
