MANILA, Philippines – Kukunin na ng Department of Agriculture (DA)ang responsibilidad sa paggawa at pagpapaunlad ng farm-to-market roads (FMRs) mula sa Department of Public Works and Highways (DPWH) simula 2026.
Ayon kay Agriculture Secretary Francisco Tiu Laurel Jr., ang hakbang ay magsisimula ng “more focused approach to agricultural lifelines, ensuring every kilometer built directly supports farming communities.”
Ang hakbang na ito ay kasunod ng mga audit sa nakaraang FMR projects matapos may ilang proyekto ng DPWH na umano’y overpriced.
“These roads are badly needed by our farmers and fisherfolk. They will ease livelihoods, lower production costs, and give farmers more time with their families,” dagdag pa ng kalihim.
Ayon naman kay DPWH Secretary Vince Dizon, “there are roughly 1,000 kilometers of FMRs that still need construction in 2025,” at binigyang-diin ang pakikipag-ugnayan sa mga local government units para mapabilis ang pagtatapos ng mga proyekto.
Ang catch-up plan ng 2025 ang magiging gabay ng DA sa pagpapatuloy ng mga FMR projects. Ilang proyekto noong 2023 at 2024, na nagkakahalaga ng P10.3 bilyon, ay tinaguriang overpriced o “ghost or semi-ghost projects.” Santi Celario
