ZAMBOANGA CITY, Philippines – Idineklara ang ceasefire sa pagitan ng gobyerno at ng grupong nasa likod ng karahasang nangyari sa Tipo-Tipo, Basilan.
Ayon kay Gov. Mujiv Hataman ang tigil-putukan ay natamasa matapos ang mahabang diyalogo mula sa gobyerno, sektor ng seguridad, at religious leaders.
“I extend my heartfelt gratitude to our peace partners, the Armed Forces of the Philippines (AFP), the Philippine National Police (PNP), and our traditional and religious leaders for their prompt actions, strong coordination, and unwavering commitment to maintaining peace in our communities,” saad ni Hataman.
Pinasalamat din niya ang tulong at kooperasyon ni Mayor Tong Istarul, Commander Rajan Aburahman, Basilan CCH Chairman Samad Hatain, ABC President Bhin Dalun, at dating Vice Gov. Alrasheed Sakkalahul upang manumbalik ang katahimikan at kaayusan sa rehiyon.
Ayon kay Basilan police director Police Col. Ceracid Umambong, ang puwersa ay umalis na sa lugar at tumulong sa desisyon sa nasabing insidente.
Bumalik na rin ang mga residenteng lumikas sa lugar ngunit nananatiling mapagmatiyag sa mga maaaring mangyari.
Nananatili namang positibo ang pag-iisip ng pamahalaang panlalawigan na nakatuon sa pagtulong sa mga pamilyang iniwan ng mga nasangkot at nasawi sa karahasan. RNT/MND
