MANILA, Philippines – Arestado ang dalawang lalaki sa Taytay, Rizal matapos mangholdap at makipagbarilan sa pulis. Sakay ng motorsiklo, hinoldap nila ang dalawang biktima sa Tapayan Bridge, Barangay Sta. Ana, at kinuha ang cash at cellphones ng mga ito.
Nakorner ng pulis ang mga suspek sa C6 Road. Sa habang pagtakas, bumira ang mga suspek sa mga pulis, dahilan upang masugatan ang isa sa kanila sa leeg. Ang 39-anyos na sugatang suspek ay isinugod sa ospital, habang ang 20-anyos na kasamahan niyang nagmamaneho ng motorsiklo ay inaresto.
Narekober sa kanila ang ginamit na baril, bala, at motorsiklo. Ayon sa pulisya, kilala ang mga lalaki sa lugar sa mga ganitong krimen at posibleng konektado sa ibang grupo na may planong mangholdap.
Aminado ang 20-anyos na construction worker na ginawa niya ang krimen dahil sa karamdaman ng kanyang ina at pangangailangang pinansyal. Dati rin siyang nakulong sa kasong carnapping at nakalaya noong 2023.
Sasampahan ang dalawa ng kaso sa robbery resulting in armed confrontation, frustrated murder, at paglabag sa RA 10591 o Illegal Possession of Firearms and Ammunition. Dave Baluyot
