MANILA, Philippines – Kinumpiska ng Department of Trade and Industry (DTI) ang halos P230,000 halaga ng Christmas lights sa Divisoria, Manila matapos itong matukoy na hindi pumasa sa pamantayan sa kaligtasan.
Ayon sa DTI, hindi natagpuan ang kinakailangang Philippine Standard (PS) at Import Commodity Clearance (ICC) markings, na nagpapatunay na hindi sumailalim sa mandatoryong safety at quality checks.
“The items were confiscated for lacking the required Philippine Standard (PS) and Import Commodity Clearance (ICC) markings, indicating that the products have not undergone the mandatory safety testing and proper quality checks,” ayon sa DTI-Fair Trade Enforcement Bureau.
Paalaala ng ahensya sa mga mamimili na bumili lamang ng sertipikado at kalidad na produkto, habang binabalaan ang mga negosyante na sumunod sa pamantayan upang maiwasan ang panganib ng sunog at aksidenteng de-kuryente. Dave Baluyot
