MANILA, Philippines – Personal na nagpaabot ng pakikiramay si Armed Forces of the Philippines (AFP) chief General Romeo Brawner Jr. sa kaanak ng mga nasawing miyembro ng Philippine Air Force (PAF) sa naganap na helicopter crash sa Agusan del Sur.
Sa pahayag, sinabi ng AFP na nagpaabot ng pakikiramay si Brawner sa dalawa sa anim na mga biktima. Ito ay sina Captain Paulie Dumagan at Second Lieutenant Royce Louis Camigla sa PAF Mortuary.
“Speaking with the grieving families, he expressed the nation’s deep gratitude for the courage and selflessness of their loved ones, who embodied the highest ideals of service and sacrifice,” sinabi ng AFP.
Ang helicopter ng PAF ay nagsasagawa ng humanitarian operations para sa mga komunidad na naapektuhan ng Bagyong Tino nang ito ay bumagsak sa bisinidad ng Loreto, Agusan del Sur noong Martes. RNT/JGC
