MANILA, Philippines – Kinumpirma ng Philippine Space Agency (PhilSA) nitong Lunes, Nobyembre 10 na naglunsad ang China ng Long March 12 rocket.
Dahil dito ay ibinabala ng ahensya ang posibleng pagbagsak ng debris malapit sa Puerto Princesa, Palawan.
Sa abiso, sinabi ng PhilSA na ang Long March 12 rocket ay pinakawalan mula sa Hainan International Commercial Launch Center sa Wenchang, Hainan, bandang 10:42 ng umaga.
“Expected debris from the rocket launch was projected to have fallen within the identified drop zones, approximately 29 nautical miles from Puerto Princesa, Palawan, and 20 nautical miles from Tubbataha Reef Natural Park,” sinabi pa.
Idinagdag ng PhilSA na ang detalye ng rocket drop ay ibinahagi na sa pamamagitan ng Notice to Airmen (NOTAM) warning ng “aerospace flight activity.” RNT/JGC
