MANILA, Philippines – Nagpatupad ang Kalihim ng Agrikultura Francisco Tiu Laurel Jr. ng bagong regulasyon upang mapigilan ang African Swine Fever (ASF) at masiguro ang ligtas na pag-angkat ng baboy.
Sa ilalim ng Administrative Circular No. 12, pinapayagan ang ASF regionalization para kilalanin ang ASF-free na lugar sa mga accredited na bansang nag-aangkat, alinsunod sa pamantayan ng World Organization for Animal Health (WOAH).
“Ang gobyerno ay aktibong nagtatrabaho sa pagbangon mula sa ASF sa pamamagitan ng pambansang zoning at movement plan, na tinutukoy ang mga lugar na walang sakit. Pinapakita nito ang kahalagahan ng science-based monitoring, regionalization para sa ASF freedom, at pagsunod sa WOAH guidelines para sa ligtas na kalakalan ng baboy,” ayon kay Laurel.
Kailangang magsumite ang mga veterinary authority ng bansang nag-aangkat ng detalyadong ulat tungkol sa ASF surveillance at control, na susuriin ng Bureau of Animal Industry sa loob ng anim na buwan bago aprubahan. Santi Celario
