MANILA, Philippines – Umakyat na sa 18 ang bilang ng mga nasawi dahil sa Bagyong Uwan, iniulat ng Office of Civil Defense (OCD) nitong Martes, Nobyembre 11.
Sa press briefing, sinabi ni OCD deputy administrator for administration Assistant Secretary Bernardo Rafaelito Alejandro IV na ang mga nasawi ay mula sa Cagayan Valley, Cordillera Administrative Region, Bicol, Western Visayas, at Eastern Visayas.
“In terms of casualty, as of 11 this morning, meron na pong nai-report sa atin na 18 dead casualties,” ani Alejandro.
“Tatlo sa Region 2 dahil sa landslide. Dose sa CAR, mostly because of landslide. Isa sa Region 5, drowning. Region 6, isa, electrocution. And yung sa Region 8, isa,” dagdag pa niya.
Dalawa naman ang iniulat na nawawala at 28 ang sugatan. RNT/JGC
