MANILA, Philippines – Nagbigay-pugay ang Armed Forces of the Philippines (AFP) at Philippine National Police (PNP) kay Juan Ponce Enrile sa kabila ng kanyang pagpanaw, bilang pagkilala sa kanyang kontribusyon sa pambansang seguridad at pagpapalakas ng kakayahan ng pulisya.
Si Enrile, na namatay noong Huwebes sa edad na 101, ay nagsilbi bilang Kalihim ng Katarungan (1968–1970), Kalihim ng Depensa (1970–1971, 1972–1986), at kalaunan ay Pangulo ng Senado (2008–2013).
Ayon sa AFP, “Across decades of public service, he played a consequential role in the nation’s security and political life. We honor his years of service and the enduring debates about his legacy, which form part of our national history.”
Binanggit naman ni PNP acting chief Lt. Gen. Jose Melencio Nartatez Jr. ang mahalagang papel ni Enrile sa professionalisasyon ng pulisya noong panahon na ito ay sakop pa ng AFP, at ang tuloy-tuloy niyang suporta bilang senador at chief presidential legal counsel.
“Manong Johnny will always be part of not only the history of the country’s police force, but also of the history of the Filipinos as a nation,” ani Nartatez.
Ang watawat ng PNP sa Camp Crame ay itataas sa kalahating bawag sa Nobyembre 17 bilang paggunita sa kanya. RNT
