MANILA, Philippines – Nabulabog ang umaga ng maraming pasahero nitong Martes matapos magkaaberya ang MRT-3, na nagdulot ng limitadong biyahe at nagpa-stranded sa libo-libong commuters.
Ayon sa MRT-3, nakapagtala sila ng technical issue bandang 5:56 a.m. sa pagitan ng Santolan at Ortigas southbound, dahilan para magpatupad ng provisional service mula Shaw Boulevard hanggang Taft Avenue pagsapit ng 6:30 a.m.
“Our maintenance teams are immediately on site, performing necessary safety checks and actively working to restore full service efficiency as quickly and safely as possible,” pahayag ng pamunuan.
Dumami ang pasaherong pumila sa mga EDSA Carousel bus stop habang marami ang nag-book ng motorcycle taxi at TNVS para makabiyahe.
Pagsapit ng 8 a.m., ibinalik ng MRT-3 ang normal na operasyon at ang maximum speed na 60 kph. Bilang tulong sa mga na-stranded, magbibigay ang MRT-3 ng libreng sakay sa buong araw.
“We apologize for the inconvenience and thank you for your patience,” ayon sa pamunuan. RNT
