NANAIG ang Abra Solid North Weavers laban sa Pangasinan Heatwaves sa score na 65-59 para kunin ang 2-0 lead sa best-of-five series ng MPBL North Division Finals sa Bangued, Abra.
Tinangkang humabol ng Pangasinan at nakadikit ngunit kinapitan ng Weavers ang kalamangan.
Muling magtatangka ang Abra na kunin ang 3-0 sweep sa Game 3 sa Huwebes sa Pangasinan.
Nangulelat man sa shooting, kumayod si Dave Ildefonso para sa 11 points, 15 rebounds at all-around performance upang maging Best Player of the Game.
Nag-ambag din sina Mike Ayonayon (12 points) at Raven Gonzales (11 points) para sa Abra. Sa panig ng Heatwaves, nanguna si Jorey Napoles na may 14 points, kasunod sina Vic Manuel (13 points, 6 rebounds) at Mike DiGregorio (11 points, 10 rebounds).GP
