MANILA, Philippines – Dumating sa tanggapan ng Department of Justice (DOJ) ang ilang opisyal ng Department of Public Works and Highways (DPWH) para personal na dumalo sa preliminary investigation.
Sina Engr. Henry Alcantara, Brice Hernandez at Jaypew Mendoza ay nahaharap sa kasong malversation, perjury at paglabag sa Anti-Graft and Corrupt Practices Act.
Kaugnay pa rin ito sa limang flood control projects sa Bulacan.
Ito na ang ikalawang preliminary investigation ng maanomalyang flood control projects ng gobyerno.
Ang pagdalo nina Alcantara, Hernandez at Mendoza ay para magsumite ng kanilang kontra-salaysay sa nasabing mga kaso. Jocelyn Tabangcura-Domenden
