TAGBILARAN CITY — Ipinahayag ni Bohol 3rd District Rep. Kristine Alexie Besas Tutor ang kanyang pag-aalala sa kamakailang desisyon ng U.S. Department of Education na alisin ang nursing sa listahan ng mga kinikilalang “professional degree” programs para sa federal student loans.
Bagaman hindi nito naaapektuhan ang licensure o scope of practice sa U.S., pinipigilan nito ang access sa federal student loans para sa graduate nursing education, na posibleng makaapekto sa career paths ng mga Filipino nurses.
Hinikayat ni Tutor ang mga ahensiya ng Pilipinas na suriin ang epekto ng patakarang ito sa employment, status, at professional recognition ng mga Filipino nurses sa ibang bansa. “As a licensed physical therapist, I stand with all Filipino nurses as this potential threat to their careers arises,” ani niya.
Tinawag niya ang Professional Regulation Commission, CHED, DFA, Department of Migrant Workers, at DTI na magsagawa ng magkatuwang na tugon, at tiniyak na handa ang Kongreso na magbigay ng policy support at legislative action kung kinakailangan. RNT
