MANILA, Philippines – Niyanig ng magnitude 5.0 na lindol ang Ilocos Norte nitong Huwebes, ayon sa Philippine Institute of Volcanology and Seismology (Phivolcs).
Nauna itong naiulat bilang isang magnitude 4.0 na lindol.
Sa pinakahuling update nito, sinabi ng Phivolcs na naganap ang pagyanig, na tectonic ang pinagmulan, alas-11:10 ng umaga.
Natukoy ang epicenter nito sa layong 7 kilometro hilagang-kanluran ng Burgos, Ilocos Norte, na may lalim na 22 kilometro.
Naramdaman ang pagyanig sa ilang lugar:
Intensity IV—Pasuquin, Burgos, Bangui, Pagudpud, and Vintar, Ilocos Norte
Intensity III—Adams, Bacarra, City of Batac, Dumalneg, City of Laoag, Paoay, and San Nicolas, Ilocos Norte
Intensity II—Marcos, Ilocos Norte; Sinait, Ilocos Sur
Samantala, ilang instrumental Intensities ang iniulat sa ilang lugar:
Intensity III—Bacarra, Ilocos Norte
Intensity II—Sinait, Ilocos Sur
Inaasahan ang aftershocks at pinsala sa mga ari-arian mula sa pagyanig. RNT/MND
