MANILA, Philippines – Naghain si Senador Robin Padilla ng resolusyon nitong Huwebes upang magsagawa ng imbestigasyon sa alegasyong pagpapalaganap ng “hindi beripikado, posibleng mapanlinlang, at nakaliligaw na impormasyon” ng Presidential Communications Office (PCO).
Binanggit ni Padilla ang pahayag ng Palace Press Officer na si Claire Castro na ang pagiging handa ni Bise Presidente Sara Duterte na palitan si Pangulong Marcos Jr. ay anyo ng political destabilization, at ang umano’y pagbibitiw nina Executive Secretary Lucas Bersamin at Budget Secretary Amenah Pangandaman—na itinanggi naman ni Bersamin.
Ayon kay Padilla, “increase public agitation at a time when there is a need for caution and accuracy when handling sensitive political matters” at nagdudulot ng “serious concerns regarding the accuracy, reliability, and integrity of public information disseminated by the PCO.”
Inatasan niya ang Senate Committee on Public Information and Mass Media na magsagawa ng imbestigasyon para sa layunin ng paggawa ng batas. RNT
