MANILA, Philippines – Nagsimula na sa kanyang termino bilang bagong presidente ng Catholic Bishops’ Conference of the Philippines (CBCP) si Lipa Archbishop Gilbert Garcera nitong Lunes.
Si Garcera, na nahalal bilang pinuno ng CBCP, ay pumalit kay Kalookan Bishop Pablo Virgilio Cardinal David na nagsilbi ng dalawang termino bilang presidente ng kataas-taasang katawan ng mga obispo.
Si Garcera ay nagsilbing arsobispo ng Lipa mula pa noong 2017.
Bago maging presidente ng CBCP, pinamunuan niya ang Commission on Mission at Commission on Family and Life.
Nagsilbi rin si Garcera bilang chairman ng Federation of Asian Bishops’ Conferences’ (FABC) Office on Laity and Family at bilang director ng Synodal Leadership for Asian Bishops Seminar.
Bago pa man maging arsobispo ng Lipa, siya ay nagsilbing obispo ng Daet mula 2007. RNT/MND
