MANILA, Philippines – Tanging sa “imaginary mall” lang maaaring mabili ang P500 noche buena dinner ng Department of Trade and Industry (DTI), ayon kay Davao Rep. Paolo Duterte.
Ayon kay Duterte, kahit ipilit ni Palace Press officer Claire Castro na pwede ang P500 noche buena ay imposible ito, aniya, ang ginawang depensa pa ni Castro ay pagpapatunay na hindi nito alam kung magkano na ang presyo ng bilihin sa merkado.
“P500 would not suffice. The problem with you is that you have an imaginary shopping mall in mind where everything is cheap,” ani Duterte.
Hamon ni Duterte sa mga taga-Malacanang ay lumabas ito at bumili kung kakayanin na pang noche buena ang P500 na halaga ng handa.
“Next time, before you defend these insulting proposals against the people, try doing a grocery challenge in markets along the corner. That is how you will feel the true prices of goods,” dagdag pa ni Duterte.
Una nang sinabi ni Trade Secretary Cristina Roque na sa halagang P500 ay pwede nang magkaroon ng handa na ham, macaroni salad at spaghetti, umani ito ng batikos mula sa ibat ibang sektor subalit dinepensahan ni Castro sa pagsasabing depende sa diskarte ay maaaring makabili ng handa sa ganitong presyo.
Sinabi ni Akbayan party-list Rep. Percival Cendaña na nakakainsulto ang pahayag na ito mismo ng DTI lalo na sa harap ng bilyong bilyong kurapsyon sa gobyerno. Gail Mendoza
