MANILA, Philippines – Naaresto ang tatlong indibidwal noong nakaraang linggo dahil sa pagbebenta ng ipinagbabawal na paputok online, ayon sa PNP-Anti-Cybercrime Group (PNP-ACG) nitong Lunes.
Sinabi ni acting chief Brig. Gen. Wilson Asueta na nasamsam ang paputok na nagkakahalaga ng PHP10,550 sa mga operasyon sa Tondo, Manila at Cabanatuan City, Nueva Ecija.
Nagmula ang mga aresto sa proactive cyber patrol ng PNP, na nakapagtala ng mga suspek na nag-a-advertise at nagbebenta ng delikadong paputok online.
Ang mga nasamsam na paputok ay hawak na ng pulisya bilang ebidensya. Haharapin ng tatlong suspek ang kaso batay sa RA 7183 at Cybercrime Prevention Act. Santi Celario
