MANILA, Philippines – Inihayag ng Supreme Court na ilalabas ang resulta ng 2025 online Bar Examinations sa January 7, 2026. Susundan ito ng oath taking at pagpirma sa Roll of Attorneys sa February 6, 2026.
Mula sa 13,193 aplikante, 11,425 examinees ang nakatapos sa tatlong araw na pagsusulit noong Setyembre 7, 10, at 14 sa 14 testing centers sa buong bansa, kung saan ang University of Santo Tomas sa Maynila ang naging pambansang headquarters.
Pinamumunuan ni SC Associate Justice Amy C. Lazaro-Javier ang Committee on Bar Examinations.
Kasama sa iba pang testing centers ang San Beda University – Mendiola, New Era University, Manila Adventist College, San Beda College – Alabang, UP Bonifacio Global City, Ateneo de Manila University, Saint Louis University, University of Nueva Caceres, University of San Jose Recoletos, Central Philippine University, Dr. V. Orestes Romualdez Educational Foundation, Ateneo de Davao University, at Mindanao State University – Iligan Institute of Technology. RNT
