MANILA, Philippines – Bumagsak ang Philippine peso sa bagong record low na P59.22:$1 nitong Martes dahil sa inaasahang karagdagang monetary easing sa Pilipinas at Estados Unidos.
Ang nakaraang record low na P59.17:$1 ay naitala noong Nobyembre 12, 2025.
Ayon kay Michael Ricafort, chief economist ng Rizal Commercial Banking Corp., lumakas ang US dollar laban sa pangunahing global na pera dahil inaasahan ng merkado ang 25-basis-point rate cut ng US Federal Reserve, na posibleng gayahin ng Bangko Sentral ng Pilipinas sa pulong nito sa Disyembre 11.
Dagdag niya, makatutulong sa peso ang seasonal na pagtaas ng remittance mula sa mga OFW at ang kanilang conversion sa piso sa panahon ng Kapaskuhan.
“Offsetting positive factors for the peso exchange rate: The start of some Christmas holiday-related spending, thereby making it more compelling… for some OFWs and other US dollar earners/owners to convert their US dollars for pesos still near the record high at 59 levels,” aniya. RNT
