MANILA, Philippines – Itinalaga ni Pangulong Ferdinand Marcos Jr. si Cherbett Karen Maralit bilang miyembro ng Board of Directors ng Manila Economic and Cultural Office (MECO).
Pinalitan ni Maralit si dating Presidential Communications Office acting secretary Jay Ruiz sa board ng MECO.
Ang MECO ay ang de facto embassy ng gobyerno ng Pilipinas sa Taiwan, na nagpapanatili sa One-China Policy ng bansa.
Ang appointment letter ni Maralit ay may petsang December 2. Wala namang ibinigay na dahilan kung bakit pinalitan si Ruiz.
Bago pa ang kanyang MECO post, nagsilbi muna si Maralit bilang PCO undersecretary for operations, administration, finance, at government-owned or controlled corporations.
Napaulat din na nagsilbi siya bilang Chief of Staff ng namayapang dating Senate President Juan Ponce Enrile. (Kris Jose)
