MANILA, Philippines – Iimbitahan ng Independent Commission for Infrastructure (ICI) si resigned Department of Public Works and Highways (DPWH) Undersecretary Maria Catalina Cabral bilang resource person sa imbestigasyon nito sa maanomalyang flood control projects.
“We plan to invite former Usec. Cabral,” pahayag ni ICI spokesperson Brian Hosaka.
Ayon kay Hosaka, maaari itong maimtibahan na dumalo sa pagdinig sa Disyembre 15.
“And we’re hoping she appears… there is information that the commission would want to get from her,” dagdag niya.
Si Cabral ay nagbitiw sa pwesto noong Setyembre matapos madiin sa kontrobersiya.
Sinabi ni dating DPWH Undersecretary Roberto Bernardo na si Cabral ang humihiling sa kanyang ipasa ang listahan ng mga proyektong may kaugnayan sa lump sum fund allocations ng DPWH.
Aniya, ang komisyon para sa mga proyekto ay 10% at hinahati umano sa mga sumusunod: 50% kay Carlo Aguilar, presumably para sa dating secretary at Senador Mark Villar; 25% para kay Cabral, at 25% para kay Bernardo.
Itinanggi naman ni Villar ang mga alegasyong ito laban sa kanya. RNT/JGC
