Manila, Philippines – Ligwak sa shortlist ng mga ikukunsidera sa 98th Academy Awards o Oscars ang “Magellan” ni Lav Diaz, na pambato ng Pilipinas sa best international feature film.
Ang labinlimang nakasama sa shortlist ay ang “Belen” ng Argentina, “The Secret Agent” ng Brazil, “It Was Just an Accident” ng France, “Sound of Falling” ng Germany, “Homebound” ng India, “The President’s Cake” ng Iraq, “Kokuho” ng Japan, “All That’s Left of You” ng Jordan, “Sentimental Value” ng Norway, “Palestine 36” ng Palestine, “No Other Choice” ng South Korea, “Sirât” ng Spain, “Late Shift” ng Switzerland, “Left-Handed Girl” ng Taiwan at “The Voice of Hind Rajab” ng Tunisia.
Ang limang nominado sa best international film feature ay iaanunsyo sa Enero 22, 2026. Archie Liao
