MANILA, Philippines – Naglabas ang Police Regional Office (PRO) 3 (Central Luzon) ng opisyal na listahan ng authorized community firecracker selling zones at fireworks display sa Central Luzon bilang bahagi ng pinalakas na kampanya upang maiwasan ang firecracker-related injuries ngayong holiday season.
Nasa kabuuang 196 authorized community firecracker zones ang tinukoy sa rehiyon. Sa Aurora ay mayroong 13 lugar, lima sa Bataan, 73 sa Bulacan, 28 sa Nueva Ecija, 24 sa Pampanga, 14 sa Tarlac at 39 sa Zambales.
Samantala, itinalaga rin ang 153 authorized fireworks display zones kung saan mayroong dalawa sa Aurora, tatlo sa Bataan, 69 sa Bulacan, 27 sa Nueva Ecija, 16 sa Pampanga, walo sa Tarlac, 26 sa Zambales at dalawa sa Angeles City.
Muli namang iginiit ni Central Luzon Police chief Brig. Gen. Ponce Rogelio Peñones Jr. ang mahigpit na panawagan laban sa paggamit, pagbebenta at distribusyon ng illegal na paputok.
“These designated zones are meant to provide safe and regulated venues for holiday celebrations while significantly reducing the risk of firecracker-related injuries,” saad sa pahayag nito.
“We once again appeal to the public to refrain from using illegal firecrackers. Instead, let us welcome the New Year through safer and more responsible forms of merriment.”
Patuloy aniyang makikipag-ugnayan ang PRO-3 sa lokal na pamahlaan at iba pang stakeholders upang masiguro ang pagsunod sa safety regulations para sa ligtas, mapayapa at maayos na holiday celebration sa Central Luzon. RNT/JGC
